बौद्ध चलचित्र निर्माण समितिपाखें बुद्धकालिन बाखंया लिधंसाय् ने.सं. ११२० स निर्माण जुयाः प्रदर्शन जूगु थुगु संकिपाया निर्माता ध्रुवरत्न शाक्य व धर्मबहादुर शाक्य खः । थुगु संकिपाया निर्देशक मणिष कुमार श्रेष्ठ खःसा थुकी धर्मरत्न शाक्यया बाखं दु अले थुकिया संगीतकार किरण शाक्य व छायाँकार एम एस माइकल खः । कलाकारपिं हिसिला महर्जन, स्वयम्भु रत्न शाक्य, मदनकृष्ण श्रेष्ठ, हरिवंश आचार्य, सुभद्रा अधिकारी, नारायणदेबी प्रधान, पवन जोशी, कृष्णभक्त महर्जन खः । थुकिया बाखंचु बुद्धकालिन बाखं खःसा थुकी छम्ह थी मत्यःम्ह धकाः धयातःम्ह मिसाया बौद्ध भिक्षु आनन्दलिसे मन स्वाइगु व थ्व हे खँयात कयाः तथागत बुद्धं कना बिज्याःगु जातिय विभेद नापनापं जीवनया सत्यया खँयात क्यनातःगु दु ।