ए एस आर भिजनपाखें ने.सं. ११२५ स निर्माण जूगु थुगु संकिपाया निर्माता, बाखं व निर्देशक राजु मानन्धर खः । थुकी कलाकारकथं रुपिन डंगोल, राजु स्यःस्यः, शोभा बज्राचार्य, पल्पसा डंगोल, मन्जु श्रेष्ठ, कृष्णभक्त महर्जन, राजेन्द्र मानन्धर, शान्ति मानन्धर, सन्चिता बज्राचार्य, रन्जिता बज्राचार्यपिं दुथ्याःसा थुकिया संगीतकार बालकृष्ण वंशी अले छायाँकार सुमन तण्डुकार, रामशरण उप्रेती व दुर्गाप्रसाद पौेडेल खः । संकिपाय् ई हिलावंलिसे सामाजिक मान्यता नं हिला वनाच्वंगु दुसा इहिपाःया लकस नं हिलावनाः लभ म्यारिजं थाय् कयाहःगु खँ क्यनातःगु दु