नासःपुजाबलय् नासःद्यः (बालाप्वाः) त्वपुइगु विशेष धकिंयात नासःधकिं धाइ । तुयूगु कापःया नासःधकिनय् कवंछ्यं व क्वस्वःगु पलेस्वां दुगु छझ्वः झल्लरया क्वसं कनाच्वंगु स्वंगः मिखा स्वथाय्, उकिया क्वसं स्वपु त्रिशूल, दथुया स्वंगः मिखाक्वसं अभय बाय् मयूर मुद्राया निपा ल्हाः, आदि च्वयातःगु दइ । नासःधकिं नासःपुजाया ज्वलंकथं पुंतय्सं च्वइगु खः । , तयाः संगीत प्याखं स्यनीबलय् आखाछेँय् नासःधकिं हे नासःद्यःया प्रतीक जुइ । स्यनेज्या क्वचालकि नासः लित तयेगु धकाः व नासःधकिं हाकनं नासः देगलय् विधिपूर्वक छायेयंकी ।