प्रदीपरत्न शाक्य (ने.सं.१०८०) सालय् बौ ज्ञानरत्न शाक्य व मां लक्ष्मीदेवी शाक्यया कोखं येँया नघःत्वालय् जन्म जुयादीगु खः । भाजु प्रदीपरत्न शाक्य नेपालभाषा साहित्यय् गद्य कविता च्वइपिं कविपिनिगु लिपांगु पुस्ताया कवि खः । वय्कलं मुक्तक नं च्वयादी । लिसें खस् नेपालीभाषाय् नं वय्कःया च्वसा उलि हे न्ह्याः वं । कविता, म्ये व मुक्तक लेखनय् सक्रियम्ह वय्कःया कविता सफू जिगु जीवनया पलाः (ने.सं.११२७) पिदंगु दुसा म्ये चाः ख्वबि (बि.सं २०६५)य् पिदंगु दु ।