पत्रकार राजीव शर्मा राजोपाध्यायया जन्म अबु हरिओमपतिराज राजोपाध्याय व मां विन्दरा राजोपाध्यायया कोखं वि.सं. २०३२ साउन १३ गते येँया न्हाय्कं त्वालय् जूगु खः । नेपालभाषाया न्हापांगु एफएम गुडनाइट एफएमय् न्हापांखुसी नेपालभाषा ज्याझ्वः न्ह्याकादीम्ह वय्कलं नेवाः अनलाइन न्यूज, झीगु सः, रेडियो झीगु सः (रेडियो नेसन)य् नं ज्या यानादीगु दु । अथेहे वय्कः थौंकन्हय् एबीसी टेलिभिजनय् आवद्ध जुयाच्वनादीगु दु । नेवाः जागरण मञ्च, राजोपाध्याय समाज, श्री उग्रतारा टोल सुधार समितिइ च्वनाः वय्कलं नेवाः ख्यः व सामाजिक ख्यलय् ज्या याना वयाच्वनादीगु दु ।