मा अप्पा धइगु न्हापा न्हापा छेँ दनीबलय् छ्यलीगु तःफिगु अप्पा खः । आः लोकल अप्पा वयाःलिं थ्व अप्पाया चलन प्रायः लोप जुइधुंकूगु दु । अथे खःसां न्हापा छ्यलेगु यानाच्वंगु थ्व माअप्पा आः जग स्वनेत, बल्लाःगु अंगः दनेत छ्यालाच्वंगु दु । थ्व अप्पाय् छुं नं कथं ख्वाः दइ मखु । च्वय् नं क्वय् नं माथं वंक तःफिक तयार यानातःगु अप्पा हे माअप्पा खः । चा व अप्पा जक छ्यलाः अंगः दनीबलय् १८ इन्च तकं ब्या तयाः दथुइ खालि हे धइ थें तयाः वा चा जक तयाः दनीगु जुयाः थ्व माअप्पा छ्यलीगु खः । तःफिगु हुनिं थ्व याकनं तज्याइ नं मखु । सलंसः दँ पुलांगु माअप्पा आः तकं सर्वसाधारणया जग स्वनेगु इलय् व दुने लाका अंगः दनेगु इलय् नं छ्यला वयाच्वंगु दु । कःसि पलाखय् च्वय् नं माअप्पा हे छ्यलातःगु दइ ।