थ्व अभिलेख संरक्षणय् आशा सफूकुथि नांगु सफूया च्वमि दिव्या ताम्राकार खः । थ्व सफू आशा सफूकुथि गुथि पाखें ने.सं. ११३४ य् पिदंगु खः । थ्व सफूया सम्पादक भाजु काशिनाथ टमोट खः । आशा सफूकुथि नेपाःया ऐतिहासिक ज्वलंया भण्डार खः । थ्व जनस्तरं नीस्वंगु छगू विस्कं पहःया सफूधुकू खः । थन ऐतिहासिक सम्पत्तिया संरक्षण व सम्वर्द्धन जुयाच्वंगु दु । थज्याःगु महत्वपूर्णगु सफूकुथियात जनस्तरय् म्हसीका बीगु निंतिं थ्व सफू अतिकं ज्याय् ख्यले जू । थ्व सफुलिइ सफूकुथिया म्हसीका, थन दयाच्वंगु अभिलेखया धलः, थन जुयाच्वंगु अभिलेखया संरक्षणया बारे बिस्तृत विवरण दु ।