गायक गौतमदास मानन्धरया जन्म ने.सं. १०८७ तछलाथ्वः खस्थि, बुधबारखुन्हु अबु तुतुदास मानन्धर व मां अष्टमाया मानन्धरया कोखं जूगु खः । येँया कालिमातिइ च्वनादीम्ह वय्कलं वि.सं. २०४० निसें म्ये हालेगु सुरु यानादीगु खः । वय्कःया आःतक नेवाः म्ये झिंस्वपु व खस नेपाली झिंन्यापु रेकर्ड जुइधुंकूगु दु । वय्कलं नेवाः संकिपाः ‘जामनः गुभाजु’ व आः दयेकाच्वंगु संकिपा ‘तिबः’या निंतिं नं म्ये हालादीगु दु ।