त्वालं त्वालय् तइगु स्वापूया छगू बिधि । धुँन्या मदुगु त्वालय् झिंनिदँय् छकः वःलाः सपना लाकाः धिमे व प्वंगा स्यनी । स्यनेगु ज्या क्वचायेकाः पिदनाः पुजा सिधल धायेव त्वाःब्याः वनेगु याइ । दक्वं त्वालय् वनी मखु । स्वापू दुदुथाय् जक वनी । त्वाःब्याः वनीबलय् द्यःयागु ख्वाःपाः च्वयातःगु त्यपय् थ्वँ तयाः निम्हसिनं कुबियाः त्वाः खलःपिं दक्वं वनी । तपाः भ्यगतय् समय् तयाः उकी द्यःने मुस्या पालु नं तया यंकेगु याइ । त्वाःब्याः वंपिन्त भ्वय् बाय् समय् नकाहयेगु याइ ।