रजनी खडगी प्याखं, टेलिप्याखं, ख्यालि, म्यूजिक भिडियो व संकिपा ख्यलय् पलाः न्ह्याकाच्वंम्ह कलाकार खः । वि.सं २०५० सालय् येँया कुलांभुलुइ अबु जगत बहादुर खड्गी व मां हिराशोभा खड्गीया कोखं जन्म जूम्ह खः । रजनी खड्गिं म्हितूगु न्हापांगु संकिपा “ब्या याये म्हाः” खः । थ्व संकिपा वि.सं २०६८ सालपाखे पिदंगु खः । आपालं संकिपा व म्यूजिक भिडियो म्हितेधुंकूम्ह रजनिं ‘समय्बजि’ नांयागु टेलिसिरियलय् नं म्हितूगु दुसा वय्कःया पागलपन, क्या फसाद, आसकुति, कर्म, एक से एक नांयागु संकिपा पिदने धुंकूगु दु । वय्कलं पेजथ्री पिपुल्स च्वइस अवार्ड २०७५ य् बेस्ट आर्टिस्ट फिमेल अवार्ड, सिंगापुरय् जूगु बक्स अफिस म्यूजिक भिडियो अवार्डय् मस्ट पपुलर फिमेल मोडलया अवार्डया नापनापं नेवाः सुपरस्टार अवार्ड नं त्याकूगु दु ।