येँ, महाबू त्वालय् सन् १९३७ स बूम्ह तीर्थबहादुर सन् १९६२ स भारतया अलिगढ विश्वविद्यालयपाखें वनस्पति शास्त्रय् स्नातकोत्तर क्वचायेका दीम्ह खः । लिपा फ्रान्सया ग्रेनोवल विश्वविद्यालयपाखे विधावारिधि उपाधि कयादिल । वय्कः नेपाःया जैविक भूगोल व वनस्पतिया सम्बन्धय् विस्तृत शोध यानादीम्ह विज्ञ खः । वय्कलं हिमाली क्षेत्रया वातावरणीय स्थिति, वनस्पति व अरुण तथा वरुण उपत्यकाया स्वां–सिमाया बारे विशेष अध्ययन यानादीगु दु ।