स्व. पूर्णबहादुर स्थापितया उपनां माहिला खः । वय्कः काष्ठकला व हस्तिहाड कलाया छम्ह ज्वः मदुम्ह कलाकार खः । वय्कः ने.सं. १०३९ गुंलागाः एकादसि, बसुबारकुन्हु यलया इखालखु त्वालय् जन्म जूगु खः । वय्कःया अबुजु स्व. बेखारत्न स्थापित खःसा वय्कलं स्व. लोकबहादुरया हःपालं ने.सं. १०४९ स काष्ठकला व हस्तिहाड जालिदार कला ख्यलय् ज्या न्ह्याकादीगु खः । वय्कःया कलाया बिषेशता धयागु थी थी सिँया कलात्मक सँझ्याः, तिकिझ्याः नापं हस्तीहाडया जालिदार कलाकृति खः । कला ब्वज्या— १) ललितपुर आदर्श कला प्रदर्शनी (२००८) सिरपाः— प्रथम ल.आ. प्रदर्शनी । न्ह्यथने बहःगु कलाकृति— प्रथम पुरस्कार प्राप्त दन्तया मन्दिर, भारतया तात्कालिन प्रधानमन्त्री जवाहलाल नेहरूं न्यानायंकूगु (२००८) ।
यल, सौगःत्वाःया भाजु पुण्यलालया काय् पूर्णलाल सन् १९४२स बूम्ह खः । अमेरिकाया विचकनसिन विश्वविद्यालयपाखें विज्ञान बिषयस स्नातकोत्तर क्वचायेका वःम्ह थ्वय्कः नेपाःया बुँज्या यायेत ल्वःगु चाया गुण सम्बन्धय् विशेष अध्ययन यानावःगु खः । नेपालय् बुँज्या यायेबहःगु भूमिया ब्यवस्थापनय् थ्वय्कःया मूवंगु ल्हाः दु ।