भारतया बनारस विश्वविद्यालयपाखें इन्जिनियरिङ्ग यानाः लिपा नेडरलैण्डसया डेल्फ विश्वविद्यालयपाखें ब्यवस्थापन विधाय् विशेष डिप्लोमा डिग्री हासिल यानादीम्ह थ्वय्कः स्थानीय विकासया ज्याय् छम्ह विज्ञ खः । लिपा नेपाः सरकारया जल तथा शक्ति मन्त्रालय व यातायात सञ्चार मन्त्रालयया सचिव तक जुयादिल । विश्व बैंक, वासिङ्गटनय् तःदँतक वैकल्पिक निर्देशक जुयाः सेवा यानादिल ।
सन् १९३६ स येँ, ब्रम्हत्वालय् अबु हरिहरलाल व मां बद्रिमायाया कोखं जन्म जूम्ह भरतलाल सन् १९७१ स नर्वेया कृषि विश्वविद्यालयपाखें विद्यावारिधि उपाधि प्राप्त यानादीम्ह भाजु खः । सन् १९५७ निसें नेपाः सरकारया थीथी पदय् च्वनाः सेवा यानादीम्ह थ्वय्कःयात देसय् कृषि विज्ञानया तच्वकं ज्ञान दुम्ह विज्ञकथं नालातःगु दु ।