सिक्किम, गान्तोकया भाजु बिष्णुभक्त व पद्मकुमारीया काय् यन्तमणि सन् १९३५ स बूम्ह खः । वेलायतया लण्डनं सन १९५९ स मिखाया शल्यचिकित्सा व उपचार सम्बन्धय् विशेष अध्ययन यासें एमबिबिएस क्वचायेका वःम्ह खः । थ्वय्कः वीर अस्पतालय् मिखा ल्वय्या बिस्कं विभाग चायेकाः उकिया मूमनू जुयाः सेवा यानावःम्ह थ्वय्कलं छगू लख सिबें उप्वः मनूया मिखाया मोतिविन्दुया सफल शल्यचिकित्सा यानादीम्ह न्हापांम्ह नेवाः डाक्टर खः ।