सन् १९५१ स यलय् जन्म जूम्ह वदनलाल सोभियत संघपाखें इन्जिनियरिङ्ग डिग्रि हासिल यानातःम्ह खः । तःदँतक नेपाल सरकारय् अधिकृत तहलय् च्वनाः थी थी परियोजना न्ह्याकेगुली ताःहाकःगु अनुभव दुम्ह थ्वय्कः प्राविधिक थौंकन्हय् मूलतः स्वनिगःया पुलांगु मूर्त सम्पदाया मौलिक स्वरुप ल्यंकेगु अभियानय् संगठितकथं जुया च्वनादीगु दु ।
मानवीय जीवनय् फोहरपाखें मुक्त यायेगु अले फोहरया पुनर्प्रयोगया प्रविधिया पक्षय् जनवकालत याना वयाच्वंगु दु । बिशेष यानाः ने.सं. ११३५ (वि.सं. २०७२) दँया तःभुखाचं दुनावंगुु÷स्यंगु नगरीय वस्ती व मूर्त सम्पदायात पुनःनिर्माण यायेबलय् पुलांगु व स्थानीय विधि व ज्वलंयात नालेमाः धैगु खँयात कयाः छगू अभियान न्ह्याकावया च्वनादीगु खः ।