येँय् खिचापुखूस भाजु अष्टबहादुर व जमुनादेवीया गर्भंं सन १९४० स जन्म जूम्ह विणा वैद्य भारतया नयाँ दिल्लीया प्रतिष्ठानपाखें सौन्दर्य कला सम्बन्धय् डिप्लोमा यानावःम्ह मय्जु खः । नेपालय् समाः यायेगु कला बिषयस औपचारिक शिक्षा कयावःम्ह थ्वय्कः न्हापांम्ह खः । लिपा थ्व हे विधाय् उच्च ज्ञान कायेत लण्डन व टोकियो वनाः प्रशिक्षित जूम्ह खः । थ्वय्कःया नेतृत्वय् नेपालय् सौन्दर्य कलाया न्हापांगु प्रशिक्षण केन्द्र चायेकाः मय्जुपिन्त औपचारिक ज्ञान बीगु ज्या जूगु खः ।