यल, क्वालखुया भाजु समन बहादुर सन् १९३६ स बूम्ह खः । भारतया लखनउ विश्वविद्यालयपाखें सन् १९५९ स विज्ञान संकायस स्नातकोत्तर ब्वनावःम्ह थ्वय्कः लिपा सन् १९६८ स वेलायतया वेल्स विश्वविद्यालयपाखें वनस्पति ख्यलय् टिस्यू कल्चरपाखें कृतिम तरिकां स्वां, सिमात गुकथं ब्वलंकेगु धैगु आधुनिक प्रविधियात कयाः विद्यावारिधि उपाधि कयावःम्ह खः । थ्वय्कः थ्व ख्यलय् नेपालय् न्हापां सफल प्रयोग यानावंम्ह विज्ञ नं खः ।