हंचां सिँ प्वाः खनेत छ्यलीगु सिँया मुगः । हंचाय् नमुगलं दायेबलय् हंया छ्यं चिरिबाइगु जूगुलिं सिँया मुगः प्रयोग जुइगु खः । थ्व प्राचीन ज्याभः खः ।
सिंहमान शाक्यया उपनां न्यामा खः । वय्कः धातुमुर्ति कलाया छम्ह ज्वः मदुम्ह कलाकार खः । वय्कःया जन्म ने.सं. १०३८ कछलाथ्वः त्रयोदसि, सोमबारकुन्हु यलया इखाछेँ, नागबहालय् जूगु खः । अबुजु स्व. पूर्णमान शाक्यया प्रेरणाकथं ने.सं. १०५२ स कलाकारिता ख्यलय् ज्या न्ह्याकादीगु खः । वय्कःया कलाया बिषेशता धयागु न्ह्यागु नं धातुया मुर्ति थःम्हं हे सीया बां (मोडल) दयेकाः ढाले यानाः तयार यायेगु खः । मूचुकय् लिच्वविकालिन जुजु नरेन्द्रदेवया पालय् दयेका तःगु भुजा मूर्तिया मर्मतया निंतिं वय्कःयात नियुक्त याःगु खः । कला ब्वज्या— १) राष्ट्रिय कला प्रदर्शनी २) मंगलबजार कला प्रदर्शनी । न्ह्यथनेबहःगु कला कृति— राणाकालिन प्रधानमन्त्री मोहनसम्सेरपाखें भारतया प्रधानमन्त्री जवाहलाल नेहरूयात द्वहलपा बीया निंतिं ७ फिटया हंसराज २ थान निर्माण ।