जेस्सी पेनी इन्टरटेंटमेंट व वाइल्ड बुल्स प्रोडक्शनपाखें ने.सं. ११३९ दँय् निर्माण जूगु थुगु संकिपाया निर्माता राजभक्त श्रेष्ठ व मन्दिरा मानन्धर खः । पुलां बाखंयात कयाः दयेका तःगु संकिपाया निर्देशक रवि साय्मि खःसा संगीतकार बालकृष्ण वंशी खः । संकिपाया छायाँकार भवानी शिलाकार अले थुकी कलाकारकथं सुशिल राजोपाध्याय, साकार पन्त, पुष्कर माथेमा, उदेन न्हूसाय्मि, अमिता जोशी, अन्नपूर्णेश्वरी श्रेष्ठ, ओमशंकर श्रेष्ठ, संघरत्न शाक्य, सुरज व्यन्जकारपिं दुथ्याः । संकिपाय् मल्लकालिन जुजु प्रताप मल्लया पालय् येँदेसय् दुम्ह नांजाःम्ह तान्त्रिक जामनः गुभाजुया पुरुषार्थं जाःगु बाखं ब्वयातःगु दु ।