सुकुन्दा फिल्म प्रोडक्शनपाखें ने.सं. ११३७ दँय् निर्माण जूगु थुगु संकिपायाया निर्माता मिन्जु शाही व नरेश शाही खःसा निर्देशक बासु शाही खः । संकिपाया संगीतकार बालकृष्ण वंशी खःसा छायाँकार नरेश शाही खः । कलाकारकथं सबिन शाक्य, अर्णेश्वरी शिल्पकार, जस्मीन श्रेष्ठ, नरेश सिं, पल्पसा डंगोल, श्यामसुन्दर शिल्पकार, हरिमान दिवाकर, रवि महर्जन, प्रभात कुमार खेँय्पिं दुथ्याः । थुकी मनू शारिरीक रुपं सुस्त जूसां वया मन पवित्र जुल धाःसा अज्याःम्ह मनुखं आपाःसियागु नुगः त्याके फइ धकाः क्यनातःगु दु ।