नाला देय्या द्यः नालाद्यः, फुक्क प्राणीयात सृष्टि याःम्ह द्यः सृष्टिकान्त लोकेश्वर, तुयूगु वर्ण, चीग्वःगु मिखा, पलेस्वां ज्वनाच्वंम्ह अभयमुद्रा ज्यानाच्वंम्ह नाला करुणामय खः । परिवारय् मनू सीबलय् थुगु थासय् १०८ प्वाः मत छ्वयेकी । नालाद्यःया न्हवं फाल्गुणशुक्ल प्रतिपदाकुन्हु जुइ । कन्हय्कुन्हु दुस्वः पूजा जुइ । कंस वा तृतीयाकुन्हु दशकर्म विधि पूजा यानाः पलिस्था याइ । जात्राकुन्हु दीपंकर बुद्धया मूर्तियात जक चाःहीकेगु याइ ।