तेबहाःया दक्षिणपश्चिम कुनय् सकसिनं हनावयाच्वंम्ह पाःल्हाःद्यः पलिस्था यानातःगु दु । पाःल्हाः द्यःयात गैरनेवातय्सं संकटा धकाः हना वयाच्वन । तान्त्रिक बन्धुदत्तं बुंगद्यःयात कामारुकामाक्षं हःबलय् क्वदुवालय् थ्यंबलय् ल“ पत्तुपं वल । थथे लँ पंवःम्ह पाःल्हाः द्यः धकाः सिइकाः वयात नं साधना यानाः स्वनिगलय् हःगु खः । लिपा तीर्थ विहारय् झिम्ह ग्यानापुपिं, हारांपिं द्यःत, च्यागू पीठ व श्मशान दयेकाः पाःल्हाः द्यःयात पलिस्था यात धयागु धापू दु । बौद्धतय्सं थ्व द्यःयात पद्मान्तक वा चण्डमहारोशनकथं हना वयाच्वंगु दुसा हिन्दूतय्सं संकटा वा पाःल्हा द्यः धयावल ।
पाःल्हाः द्यःया तोरणय् पंचरक्षाया द्यःत तयातःगु दु । पाःल्हा द्यःया क्वसं पद्मपाणी लोकेश्वरयात पलिस्था याना तल । पाःल्हाः द्यया ल्यूने तुं दु । वयालिक्क च्वंगु अभिलेखं न्हापा अन शाक्यभिक्षुपिंसं लँजुवाःतय्गु निंतिं लः त्वनेत जरुं दयेकातःगु न्ह्यथना तल ।