बज्रयान सम्प्रदायीतय्सं बज्रसत्वयात आदिबुद्धया रुपय् कयातःगु दु । दर्शनकथं शून्यताया रुपय् कयातःगु दु । मूर्तिकथं छपाः ख्वाः निपा ल्हाः, तुयू वर्ण, जव ल्हातं वज्र ज्वनातःगु दइसा खवगु ल्हातं गं ज्वनाः बज्रपर्यांकासनय् च्वनी । सामान्यतया पिने खुल्ला रुपय् मब्वसे दीक्षा मदुपिन्त क्यनेगु याइ । मन्त्रया रुपं छ्यली हुँ आखलं उत्पन्न जूम्ह खः । प्रायः गुरुमण्डल पूजाय् बज्रसत्वया पूजा याइसा नेवाः बौद्ध दुने बज्राचार्यतय् बज्रसत्वयात दिगुद्यःया रुपय् पूजा याइ ।