अबु बाबुकाजी महर्जन व मां प्राणमाया महर्जनया कोखं वि.सं. २०२० य् किपूया भाजंगालय् म्येहालामि मिना महर्जनया जन्म जूगु खः । वय्कः २०३६÷३७ निसें गायन ख्यलय् मदिक्क सक्रिय जुयाच्वनादीगु दु । वय्कलं म्ये हालेगु लिसें चिहाः संकिपा, म्यूजिक भिडियोय् थःगु अभिनय कला नं न्ह्यब्वया दीगु दु । वय्कलं दयेकूगु म्यूजिक भिडियो ‘करुणां भय्ब्यूगु’, ‘मांया यःम्ह म्हयाय्मचा’ तसकं लोकंह्वाः । इन्द्रेणी सांस्कृतिक समाजया ज्यासना पुचलय् आवद्ध वय्कः ज्ञानमाला भजनय् नं सक्रिय जुयादी ।