ए भि सि डि पोखरापाखें ने.सं.११३७ दँय् निर्माण जूगु थुगु संकिपाया बाखं, निर्देशक व छायाँकार यादब दास भ्वछिभ्वया खःसा संगीतकार कृष्ण बहादुर श्रेष्ठ (पोखरा) खः । थुकी कलाकारकथं अन्जली महर्जन, बिक्रम उदास, जितेन्द्र नापित, उदय बहादुर ताम्राकार, चन्दा श्रेष्ठ, सूर्य महर्जन, लक्ष्मी महर्जन, रन्जन बुद्धाचार्य, सुदर्शनपिं दुथ्याः । संकिपाय् मतिना धइगु पवित्र जुइ, उकिं इहिपाः धइगु लमिया झङ्गःखँया सिबें थवंथः ब्वलनीगु मतिनाय् यक्व बांलाः धकाः क्यनातःगु दु ।