ललितकलाकःमि आशारत्न डङ्गोलया जन्म ने.सं. १०९३ चौलाथ्वः पुन्हि, मंगलबारखुन्हु यलया मंगलबजारय् अबु आशकाजी डङ्गोल व मां सानुमैयाँ डंगोलया कोखं जूगु खः । ललितकलाय् स्नातक यानादीम्ह वय्कलं चित्रकारिताय् सेवा यानादीगु दु । वय्कःया न्हापांगु रचना सन् १९९२ य् त्रिभुवन विश्वविद्यालय दिवसय् ललितकला क्याम्पसय् जूगु कला ब्वज्याय् न्ह्यब्वया दीगु खः । वय्कलं सन् २००३ य् सिद्धार्थ आर्ट ग्यालरीइ याकः कला ब्वज्या यानादिल । वय्कलं थी थी थासय् छगूत्या दशक स्वयां अप्वः मंकाः कला ब्वज्या नं यानादीगु दु । वय्कलं सन् २००३ य् अरनिको कला पुरस्कार, सन २००५ य् राष्ट्रिय चलचित्र पुरस्कार व सन् २००६ य् राष्ट्रिय कला पुरस्कारय् न्हाप सिरपाः त्याकादीगु दु ।