यल पूच्वया भाजु तुलसीनारायण श्रेष्ठया काय् खः भाजु बालकृष्ण श्रेष्ठ । फिलपिन्सया लुजोन केन्द्रीय विश्वविद्यालयपाखें इन्जिनियरिङ्गय् स्नातकोत्तर उपाधि प्राप्त यानावःम्ह थुम्ह भाजुं भूक्षय पनेगु अले जलश्रोतया ब्यवस्थापनया ख्यलय् आपालं भूमिका म्हितादीगु खः । नेपाल सरकारया सेवाय् च्वनाः विशेषतः जलाधर क्षेत्रया ब्यवस्थापनय् आपालं ज्या यानादीगु खः । बुँज्याया लवःकवःया यान्त्रिकीकरण बिकास यायेगुली थ्वय्कःया गाक्कं तिबः दुगु जुल ।