ओखलढुङ्गा जिल्लाया भाजु हस्तबहादुर श्रेष्ठया काय् भाजुया जन्म सन् १९४१ स जूगु खः । त्रिभुवन विश्वविद्यालयपाखें भूगोल विधाय् स्नातकोत्तर शिक्षा कयादीम्ह थ्वय्कलं नेपाःया अन्तरराष्ट्रिय सीमा ब्यवस्थित यायेगुली महत्वपूर्ण भूमिका म्हितादिल । भौगोलिक सर्वेक्षणया ज्याय् रिमोट सेन्सिङ्ग प्रणाली नेपालय् दुतहयेगुली वय्कः न्ह्यलुवाः खः । देसय् आवास नीति लागु यायेगु व देय्या नक्साङ्कनया भूमि मापनया ज्याय् आधुनिक विधि छ्यलेगुली विशेष भूमिका दुम्ह खः । वय्कलं नापी विभागया महानिर्देशक तक जुयाः सरकारी सेवा यानादिल ।