सन् १९३८ स विराटनगरय् जन्म जूम्ह गोपाल शक्ति अबु शिव शक्ति व मां बालकुमारीया काय्भाजु खः । वेलायतया स्टारलाइन विश्वविद्यालयपाखें इन्जिनीयरिङ्ग स्नातकोस्तर उपाधि कयातःम्ह थ्वय्कः भाजु नेपालय् राजमार्ग विकासय् आपालं योगदान दुम्ह खः । वय्कः पूर्व–पश्चिम राजमार्गया सिमरा–जनकपुर, नेपालगञ्ज–बुटवल, वीरगञ्ज–हेटौंडा, नौबिसे–मुगलिङ्ग अले धरान–धनकुटा राजमार्ग बिकास यायेगुली मूवंगु भूमिका म्हितादीम्ह खः ।