स्वनिगलं पिनें पिदंपिं नेपालभाषाया भाषिक अभियन्तापिं मध्ये भाजु गोपाल राज जोशी नं छम्ह खः । वय्कःया जन्म बि.सं.२००१ सालय् धनकुटाय् जूगु खः । वय्कः लिपा बिराटनगरय् च्वंझाल । वय्कःया मांया नां पद्मकुमारी व बाःया नां गुणराज जोशी खः । वय्कः झी पुचः विराटनगरया न्हापायाम्ह नायः खः । लिसें वय्कः अनया मेमेगु संघसंस्थाय् नं आवद्ध जुयादी । वय्कलं बिराटनगरया नेवाःतय् निंतिं प्रारम्भिक नेवारी पुस्तिका च्वयाः पिथनादिल । लिसें वय्कलं यक्व कविता व थीथी बिषयया च्वसु च्वयाः नं पिथनादीगु दु ।