पौभाः, चित्रकलाकार ज्ञानकर बज्राचार्यया जन्म वि.सं. २०११ असारय् ख्वपया साक्वथा त्वालय् अबु बेलवज्र वज्राचार्य व मां पूर्णप्रभा वज्राचार्यया कोखं जूगु खः । झिगू तगिंतक ब्वनादीम्ह वय्कःयात व्यावसायिक चित्रकारकथं म्हसीके फु । वय्कलं पासुका प्रकाशनय् थःगु न्हापांगु कला पिथना दीगु खः । वय्कलं ५०० पाः स्वयां अप्वः चित्र च्वयादीगु दु । वय्कलं थ्यासफुतिइ २१४ म्ह गनेद्यः च्वयादीगु दु । वय्कलं थी थी द्यःपिनिगु पौभाः नं च्वयादीगु दु ।