ज्ञानरत्न बज्राचार्य

बौ हर्षवीर सिं बज्राचार्य व मां राजमायाया कोखं ने.सं. १०३२ मार्गकृष्ण सप्तमी कुन्हु ब्रम्हचक्र महाविहार ओमबहालय् जन्म जूम्ह ज्ञानरत्न नेपाःया न्हापांम्ह नेपालभाषां माक्सवादी साहित्य व सिद्धान्तया सफू च्वयादीम्ह व्यक्ति खः । भाजु ज्ञानरत्नं थःगु महत्वपूर्ण ई भारतया मुज्जफपुरया मोतिझीलय् फुकादिल । तर भारतय् च्वनादीसां वय्‌कलं थःगु मांभाषं च्वयेगु त्वःतामदी । वयकलं नेपालभाषां राजनैतिक व साहित्यिक विषयया सफू — माक्र्सबाद व स्टैलिन (ने.सं १०७१), समाजवाद, नेपालया साहित्य, नवीन समाजवादी गीत व राज्य व धर्म थेंज्याःगु सफू च्वयादीगु दु । भाजु ज्ञानरत्न भारतय् च्वनाः नं नेपालभाषां सफू च्वयाः सफू पसः तयाः नेपालभाषाया प्रचार प्रसार यायेगु ज्या यानादीम्ह खः ।

Author: Sanil Sthapit on July 17, 2025
Category: भाषा, लिपि व साहित्य
Tags: , , , , , ,

Leave a Reply

Your email address will not be published. Required fields are marked *

Last articles