अबु हर्षमुनि वज्राचार्य व मां पुनथकु वज्राचार्यया कोखं ने.सं १०१० य् यलया नःत्वालय् भाजु हर्षराज बज्राचार्यया जन्म जूगु खः । वय्कःया मेगु नां हर्षराज आजु खः । बुद्धधर्मय् आस्था दुम्ह वय्कलं दकलय् न्हापां ने.सं. १०७९ य् नित्याचार पुस्तकम च्वयादीगु खः । आपाः यानाः बुद्धधर्मनाप स्वापू दुगु सफू च्वयादीम्ह भाजु हर्षराजया कुलचार गृहस्थी ने.सं. १०८०य्, संक्षिप्त महायान दर्पण ने.सं. १०८६ य् व बाल शिक्षा वर्णमाला ने.सं. १०८६ नं च्वयाः पिथनादीगु दु । वैद्य व ज्योतिषि ज्या यानाः थःगु जीवन हनादीम्ह भाजु हर्षमान वज्राचार्य ने.सं. १०९० य् दिवंगत जूगु खः ।