कीर्तिराज शाक्य

वय्कः थ्वज्या धातु मूर्तिकलाय् ज्वः मदुम्ह कलाकार खः । वय्कःया उपनां काइँला खः । वय्कः ने.सं. १०५७ स यलया महाबुद्ध, थैनाय् जन्म जूगु खः । वय्कलं अबुजु स्व. हर्षराज शाक्यया प्रेरणाकथं ने.सं. १०६६ दँय् धातु मूर्ति कलाकारिताया ख्यलय् पलाः न्ह्याकादीगु खः । वय्कःया कलाया बिषेशताकथं धातु कलाय् लुँ, वहःया पाताय् थ्वज्या व माज्याया लिधंसाय् थःगु मौलिक सृजनाकथं थी थी मूर्ति व कला कृति निर्माण यायेगु खः । न्ह्यथने बहःगु कृति— १) त्रिभुवन विमान स्थल भि.भि.आई.पि. लाउचय् गणेश व कुमारया मूर्ति निर्माण २) यल बुंगया कार्यविनायक देगःया धातु पौ व गजू निर्माण ३) कमलादी गणेशया देगलय् अष्टमंगल निर्माण ४) यल बुंगय् छ्वासकामनिया मूर्ति निर्माण ५) बौद्धय् दाफ्वः स्वां गुम्वाय् ८ फुटया माणे निर्माण ।

Author: Dilip Shahi on May 21, 2025
Category: शिल्प, प्रविधि व ज्ञान

Leave a Reply

Your email address will not be published. Required fields are marked *

Last articles