कोरोनाया किचलय् नेपालभाषा नांजाःम्ह बाखं च्वमि मय्जु श्रीलक्ष्मी श्रेष्ठया न्हापांगु उपन्यास खः । भावना पिथना व कुतः पिकाकः जानाः ने.सं ११४१ य् पिदंगु १८८ पौया थ्व उपन्यासय् पीन्यागू अध्याय दु । वरिष्ठ आख्यानकार मथुराकृष्ण साय्मिया आह्वानय् च्वःगु थ्व उपन्यास, उगु मिसा उपन्यास मिसा प्रतियोगिताय् न्हापांगु सिरपाः त्याकेत ताःलाःगु खः । थ्व नेपालभाषाया अभिघाट विषययात कयाः रचना जूगु न्हापांगु उपन्यास खः । विश्वयात हे तःधंगु आघात लाकूगु कोरोना महामारीयात हे मू विषय यानाः उकिया त्रासं त्रसितम्ह थःगु देय् त्वःताः विदेसय् च्वनाच्वंम्ह डाइस्पोरियन नायिकाया नुगःखँय् हे थ्व उपन्यासया फुक्क घटना केन्द्रित जुयाच्वंगु दु । उपन्यासया अन्त विदेसय न्ह्याक्व हे सुविधायुक्त जूसां नायिकाया परिवार स्वदेश लिहांवयेगु क्वछीका उपन्यास क्वचायेकातःगु दु ।