ललितकलाकःमि कृष्णगोपालया जन्म वि.सं. १९९० य् कास्कीया पोखराय् अबु देवीप्रसाद रञ्जित व मां चिनीमाया रंजितया कोखं जूगु खः । वय्कलं वि.सं. १९९४ य् सिलोटय् सलामं रामचन्द्र द्यःया स्केच यानादीगु खः । वय्कलं नाफा हलय् सन् १९७० व १९७२ य् निक्वः याकः कला ब्वज्या यानादिल ।
वय्कलं सन १९७०, १९७१ व १९७४ य् यानाः स्वक्वःतक जापानय् मंकाः कला ब्वज्या नं यानादिल । वय्कलं सन २००० य् राष्ट्रिय प्रतिभा पुरस्कार, सन १९९७ य् फुजी टेलिभिजन जापानं अन्तर्राष्ट्रिय पुरस्कार व राष्ट्रिय कला प्रदर्शनीइ हःपाः सिरपाः नं त्याकादीगु दु । वय्कःयात नेपाल राजकीय प्रज्ञा प्रतिष्ठान नाफा सम्मान व नेपाल कमर्सियल आर्ट एशोशियसनं अभिनन्दन नं यायेधुंकूगु दु ।