चित्रकलाकार मदन चित्रकारया जन्म वि.सं. २००४ पुषय् येँया तंलाछि त्वालय् अबु तेजबहादुर चित्रकार व मां मनकेशरी चित्रकारया कोखं जूगु खः । एम. ए., एप्लाइड आर्टय् जी.डी. यानादीम्ह वय्कलं चित्रकलाया लिसें संस्कृति क्षेत्रय् योगदान यानादीगु दु । वय्कलं नेपाल कलाकार समाजं पिथंगु च्वसुत नं सम्पादन यानादीगु दु । वय्कःया न्हापांगु कृति ‘नेपाली कलामा ध्यानी बुद्धको महत्व’ नांगु च्वसु २०२५ सालय् मधुपर्क पत्रिकाय् पिदंगु खः । वय्कलं न्याक्वःतक याकः चित्रकला ब्वज्या यानादीगु दु । वय्कःयात २०४३ सालय् प्रबल गोरखा दक्षिणबाहु पदक द्यछाःगु खः ।