स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु महेशचन्द्र प्रधान नं छम्ह खः । वय्कःया जन्म बि.सं.२०१० माघ १२ य् जूगु खः । य्कःया मांया नां मोहनकुमारी व बाःया नां हरिकृष्ण प्रधान खः । वय्कःया थाय्बाय् बागलुङ नगरपालिका, वडा नं. २, बालमन्दिर रोड, महेन्द्रपथ खः । वय्कः डिप इन एड, अर्जून पदक २०३० (त्रिवि) या बिजेता खः ।
नेवाः न्ह्यलुवाः भाजु महेशचन्द्र प्रधान नेपालभाषा मंकाः खलः बागलुङया (ने.सं.११२९–११३३) नायः जुयादीधुंकूम्ह खः । थीथी शैक्षिक व सामाजिक संस्थाय् आवद्ध जुयादीम्ह वय्कः हरि–मोहन स्मृति कोष (ने.सं.११३६) या संस्थापक नायः खः ।