अबु अश्विनीकुमार व जग्गनाथ लक्ष्मीया काय्मचाकथं आनन्दकुमारया जन्म सन् १९२३ स येँ, मरुइ जूगु खः । सन् १९४४ स थ्वय्कलं भारतं आयुर्वेदाचार्य कथं उपाधि ल्हातय् लाकूगु खः । आयुर्वेदया ख्यलय् न्यय्दँ सिबें उप्वः सेवा यानावंम्ह थ्वय्कः नेपाःया छम्ह नांदंम्ह विशेषज्ञ खः । विशेष यानाः हुपिङ्ग कफ ल्वय् लायेकेगुली थ्वय्कः अतिकं नांजाः । वय्कलं तःदँतक नेपाल आयुर्वेदिक समाजया नायः जुयाः सेवा यानादिल ।