इखुंचिया स्वँनांगु सफू भाजु तेजप्रकाशं च्वयादीगु मचाबाखं सफू खः । प्रतिभारश्मी प्रकाशन शोणिपुर चुनिख्यः येँ पाखें पिदंगु तर पिथना साल तयामतःगु थ्व सफुलिइ किपा सहित स्वपु बाखं – इखुंचिया स्वँ, माकःचा व जाः, व म्याँचा व भालु दुथ्यानाच्वंगु दु । थ्व सफूया मेगु विशेषता छपु बाखं क्वचायेवं अंग्रजीं उकिया अनुवाद नं बियातःगु दु । थथे बाखंया अनुवाद यानादीम्ह मय्जु अनिता श्रेष्ठ सौरभी खःसा किपा च्वमि स्वयम्बर हाङ खः । थ्व सफू मचाबाखंया सफू खया नं थ्व सफूया तातुना मचातय्त मनोरञ्जन प्रदान यायेगु जक मजुसे पशुपछिंयात माया यानाः पर्यावरण संरक्षणय् तिबः जुइगु शिक्षा बीगु नं जूगु दु ।