सत्यभामा माथेमाया च्वसां पिज्वःगु ककःचा नांया चिनाखँ सफू ने.सं. ११२३ स नेपालभाषा मिसा खलः पाखें पिदंगु खः । थुगु सफुलिइ मुक्कं ५२ पु चिनाखँ दुथ्याकातःगु दु । चिनाखँ दुने शहीदया खँ न्ह्यथनातःगु दु । स्वाभिमानया लँपुइ न्ह्यायेमाःगु नुगः खँ प्वकातःगु दु । भलसाया लँपु माः जुयाच्वंगु खनेदु । थाय्थासय् प्रदूषित जुयाच्वंगु अज्याःगु लकसय् म्वानाच्वनेमाःगु बाध्यता प्वंकातःगु दु ।