कलः– छें पिने तापाक द्यइके वनेत पुजाज्वलं तयाः यंकीगु थल । थ्व भचा तजाः यानाः लखायेछिंक दयेकातइ । थुकी च्वय् म्हुतुप्वाः तीगु पुसा नं दइ। थुकी चिचीग्वःगु पुजाज्वलं तयाः यंकी ।
किसली– चाया सलिखय् जाकि जायेक तयाः द्यःने ग्वःग्वय् व ग्वःध्यबा तइ ।
धालाचा – थुकी अय्लाः तइ ।
धौपति – निगः ख्वलाचा घाःगु धौ तयेत खः ।
समय्ख्वला – थुकी समय्ज्वलं तइ ।
काय्भः – निता सिन्हः तयेछिंगु निगः स्वानाच्वंगु थल ।
लःथलचा– थुकी द्यः पुज्यायेत नीलः तइ ।
मेमेगु पुजाज्वलं – जाकि, स्वां, म्हासुसिन्हः, भुयुसिन्हः, धुं–धुपाँय्, इताः, ताय्, बजि, सिसाबुसा ।
नाप अनुसार चिं तयेत न्हापा सलां छ्यलीगु खःसा थौंकन्हय् शिशाकलम छ्यलीगु खः । कलम, सलां अनिवार्य व प्रारम्भिक ज्याभः खः ।
सुकुन्दा फिल्म प्रोडक्शनपाखें ने.सं. ११२४ स निर्माण जूगु थुगु संकिपाया निर्माता साजन श्रेष्ठ खः । संकिपाया बाखं व निर्देशक बासु शाही खःसा छायाँकार नरेश शाही खः । थुकी कलाकारकथं नरेश सिं, रुपेन श्रेष्ठ, जरिना खडगी, रजनी खडगी, अन्नपुर्णेश्वरी श्रेष्ठ, बासु शाही, ज्ञानेन्द्र शाहीपिं दुथ्याः । संकिपाय् थः कलातं धाः थें जक याइम्ह मिजंया बाखं न्ह्यब्वया तःगु दु ।
भाजु कोमलबहादुरया काय्मचा कल्याणबहादुरया जन्म सन् १९४४ स येँय् जूगु खः । वय्कः भारत बम्बईया प्राविधिक प्रतिष्ठानपाखें इन्जिनियरिङ्ग विधाय् सन १९६८ स स्नातक क्वचायेका वःगु खः । लिपा वैंककया एसियाली प्राविधिक प्रतिष्ठानपाखें स्नातकोत्तर उपाधि कायेत वय्कः सफल जुल । मेकानिकल इन्जिनियरिङ्ग विधाय् नेपाःया छम्ह न्ह्यलुवाःकथं नांजाःम्ह थ्वयकः चिनि उद्योग व घरेलु उद्योगया ख्यलय् तःदँतक सेवा यानादिल ।
कल्लह्रदेव थ्वय्कःया मेगु नां कल्याणदेव अथे हे कल्लह्रदेव कथं नं उल्लेख जूगु दु । थ्वय्कः जुजु जयस्थिति मल्लया राज्यकाल (ने.सं ५०२–५०७)पाखेयाम्ह टीकाकार खः । थ्वय्कलं अमरसिंहं च्वःगु संस्कृत भाषाया अमरकोशयात थः काय् छय्पिनिगु नितिं पुत्रपौत्रादीबोधनीया नामं ने.सं ५०१ यंलाथ्व१२ य् नेपालभाषां टीका दयेकादीगु खः । थ्व सफू भाजु काशीनाथ तमोटया सम्पादनय् ने.सं ११०३ स छापा आखलं देवनागरी लिपिं पिदने धुंकूगु दु ।