स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु कैलाशमान श्रेष्ठ नं छम्ह खः । वय्कःया जन्म वि.सं.१९५४ य् धरानय् जूगु खः । वय्कःया मांया नां रत्नकुमारी व बाःया नां गोरखमान श्रेष्ठ खः । तसकं हे नेवाः नुगः दुम्ह वय्कलं धरानया सतकय् ल्वहँतं छाय्पियादिल । कुसा आकारयागु सिँ हे सिं फल्चा दयेकादिल । वय्कः बि.सं. २०३६ सालया माघय् दिवंगत जुयादिल ।
भाजु शम्भुमान सिंहया काय्मचा कैलाशमान येँ, भोटेबहालय् सन १९४३ स जन्म जूम्ह खः । वेलायत, बर्मिङ्गघाम विश्वविद्यालयपाखें सन १९७८ स राजमार्ग निर्माणया बिषयस स्नातकोत्तर उपाधि कयाः झाःम्ह खः । नेपालय् महत्वपूर्ण राजमार्ग दयेकेगुली थ्वय्कःया आपालं भूमिका दुगु जुल ।