कोशल्वहं नेपालभाषाया छम्ह अग्रज आधुनिक कवि डा. आनन्द जोशीया निगूगु कविता संग्रह खः । ने.सं १११३ स त्रिवेणी साहित्य प्रकाशन पाखें पिदंगु थ्व संग्रहय् नीन्यापु कविता दुथ्यानाच्वंगु दु । थ्वय्क:या मेमेगु कविता संग्रहय् थें थुकी नं प्रतीकात्मक विम्वात्मक अभिव्यक्ति जक मखु न्हून्हूगु मौलिक उपमा विम्वया प्रयोग, परम्परागत मूल्यमान्यताप्रति तच्वःगु विरोध प्रतिध्वनित जुयाच्वंगु दु ।