कल्प फिल्म प्रोडक्शनपाखें ने.सं. ११३९ दँय् निर्माण जूगु थुगु संकिपाया निर्माता मिन्जु शाही खःसा बाखं व निर्देशक बासु शाही खः । थुकी कलाकारकथं बासु शाही, सुरेन्द्र मानन्धर, रेवन्त लाल श्रेष्ठ, रजनी खड्गी, हरि धेमोस, कर्णमान शाक्य, राजन राचलपिं दुथ्याः । संकिपाय् मतिनाया निंतिं मनूत वँय् जुइत नं तयार जुइयः धकाः क्यनातःगु दु ।
क्यारोल जेनेटि संयुक्त राज्य अमेरिकाया क्यालिफोर्निया विश्व–विद्यालयय् प्रध्यापनया ज्या यानाच्वंम्ह भाषाशास्त्री खः । वय्क: हिमाली लागा अले सँय–बर्मेली भाय्या छम्ह विज्ञ नं खः । वय्कलं भाषाया अभिलेखिकरण, वाक्य विनास, भाषाया ऐतिहासिकता, भाषिकस्तर मापन आदि विषयय् थःगु अध्ययनया ख्यः दयेकावयाच्वंगु जुल । भाय् ल्हाइपिंसं भाय्या संरचनायात व्यवहारय् गुकथं विकसित यानायंकी धैगु पक्षय् खँ सीकेत कुतः यानादीम्ह खः । नापनापं न्हना वनेत्यंगु व अल्पसंख्यकतय् भाय्या संरक्षणय् छु यायेफइ धकाः च्यूताः तयाच्वपनादीम्ह खः । ‘A Grammar of Dolakha Newar’ सफू वय्क:या अनुसन्धानया लिच्वः खः । थुगु हे सफूपाखें वय्कलं सन् २००७ य् ‘Georg von der Gabelentz Award’ त्याकादिल । वय्क: ‘How Languages Work’ धैगु भाषा प्रशिक्षण सम्बन्धी सफूया च्वमि नं खः ।