पाल्पाया विद्यापूर्ण लाल व गणेशदेवीया काय्मचा चिरञ्जीवी लालया जन्म सन १९३० स जूगु खः । वय्कः वनारस हिन्दू विश्वविद्यालयपाखें सन १९५३ स भूगर्भ शास्त्र विषयस स्नातकोस्तर उपाधि हासिल यायेत ताःलात । बेलायत ग्लासगो विश्वविद्यालयपाखें सन १९६४ स थुगु हे विषयस विद्यावारिधि यानादीगु जुल । राष्ट्रिय संरक्षण रणनीति, श्रोत सुरक्षा अले पर्यावरणीय ब्यवस्थापनया ख्यलय् थ्वय्कः देय्या न्ह्यलुवाः खः ।