ज्यापु दुनेया छगू थर डंगोल खः । बुँ दायेगु ज्या याइपिंत डंगोल धाइगु खः । बुँ दायेगु ज्या याइपिं दगूपाखें डंगोल जूगु खः ।
जलविद्युत शक्तिया वारे ज्ञाता अले नेपाःया थीथी जलविद्युतीय आयोजनायात न्ह्याकेगुली नेतृत्वदायी भूमिका म्हितावःम्ह ब्यक्ति डम्बरबहादुर नेपालीया जन्म जगाति, ख्वपय् अबु रत्नलाल श्रेष्ठ व मां सानुमाया श्रेष्ठया कोखं ने.सं. १०७१ दिल्लागाः दसमि, सनिबारखुन्हु जूगु खः । सन् १९८७ स संयुक्तराज्य अमेरिकापाखें विद्यावारिधि हासिल यानावःम्ह थ्वय्कलं नांदंगु चिलिमे जलविद्युत परियोजनाय् मू भूमिका म्हितादीगु खः ।
वय्कः काठमाडौं विश्वविद्यालय, इन्जिनीयरिङ्ग कवःया डीन व विद्युत प्राधिकरणया उप–निर्देशक कथं ज्या याये धुंकूम्ह खः ।
डवलराज तुलाधर काष्ठ कलाया छम्ह ज्वः मदुम्ह कलाकार खः । वय्कः ने.सं. १०६८ चौलागाः चौथि, मंगलबारखुन्हु यल, बुंगया कोतात्वालय् जन्म जूगु खः । वय्कःया अबुजु नयजा तुलाधर खःसा वय्कलं थः बाज्या परशमुनि तुलाधरया प्रेरणाकथं ने.सं. १०७० स कलाकारिता ख्यलय् ज्या न्ह्याकादीगु खः । वय्कःया कलाया बिषेशता धयागु सिँयागु थी थी मूर्ति तथा सिँया हे तस्वीर फ्रेमय् थी थी मूर्ति दयेकेगु खः । कला ब्वज्या— नेपाल हस्तकला प्रदर्शनी । न्ह्यथने बहःगु कृति— थीथी कलात्मक सँझ्याः, तिकिझ्याः, लुखा निर्माण ।