येँ, लगंया भाजु बुद्धिमान व मय्जु धनकुमारीया काय्मचा पुष्परत्न सन १९४३ स बूगु खः । वय्कलं सन् १९६८ स त्रिविविपाखें विज्ञान बिषय कयाः स्नातकोत्तर शिक्षा क्वचायेका दिल । लिपा फ्रान्स झायाः सन् १९७९ स वनस्पति विज्ञानय् विद्यावारिधि उपाधि कयादिल । नेपालय् दुगु थी थी कथंया स्वां, सिमा आदिया अनुसन्धान यानादीगु खः । थ्वय्कलं नेपालभाषाया माध्यमं थी थी स्वां–सिमा, सिसाबुसाया सम्बन्धय् सपूm नं च्वयादीगु दु ।
मूर्ति, चित्रकार पुष्परत्न शाक्यया जन्म ने.सं. १०६३ गुंलाथ्वः सप्तमि, आइतबारखुन्हु येँया झ्वःछेँ बनिया चुकय् अबु ज्ञानरत्न शाक्य व मां ऋद्धिमाया शाक्यया कोखं जूगु खः । चित्र व मूर्तिकलाय् स्नातक यानादीम्ह वय्कलं चित्रकला, सामाजिक सेवा यानादीगु दु । वय्कलं पौभाः नं च्वयादीगु दु । वय्कलं भृकुटी मण्डपय् जातीय प्रदर्शनी यानादीगु दु । वय्कलं वि.सं. २०२५ सालय् परम्परागत कला प्रदर्शनीइ हःपाः सिरपाः व ने.सं. १०८८ या नेपालभाषा अन्तर क्याम्पस साहित्य गोष्ठिइ ल्यू सिरपाः त्याकादीगु दु ।