चित्रकार मनवज्र वज्राचार्यया जन्म वि.सं. १९८७ माघय् येँया महाबू मासंगल्लीइ अबु दुर्गावज्र वज्राचार्य व मां तीर्थकुमारी वज्राचार्यया कोखं जूगु खः । वय्कलं आयुर्वेद, बौद्ध दर्शन व चित्रकलाय् स्वअध्ययन यानादीगु खः । वय्कलं आयुर्वेद चिकित्सा, चित्रकला, मूर्तिकला, बौद्ध दर्शन अध्यापन नं यानादीगु दु । वय्कः छम्ह च्वमि नं खः ।
वय्कलं च्वयादीगु नखःचखः व संस्कृति, आयुर्वेद, बौद्ध दर्शन व कला सम्बन्धी थी थी सफू पिदंगु दु । वय्कःया वि.सं. २०२८ य् पिदंगु मध्यकालीन कला सपूm नांजाः । वय्कलं तःक्वः याकः चित्र कला ब्वज्या यानादीगु दु । वय्कःयात नेपाल आयुर्वेदीय संस्थां अभिनन्दन याःगु दु । वय्कः ने.सं. ११२१ प्वहेलाथ्वः एकादसि, सनिबारखुन्हु स्वर्गारोहण जूगु खः ।