मस्याङ्पाः सफू मय्जु प्रकाश प्रधानं च्वयादीगु बाखं मुना खः । च्वसापासां ने.सं. १०८३ य् पिथंगु थ्व सफुलिइ गुपु बाखं दुथ्यानाच्वंगु दु । मचाम्ह डाक्टरनी, चरित्रया मूल्यांकन, प्रतीक्षा, विवाह, अपवाद, अंशभाग, डाक्टर साहेब, अतीतया स्मृति व दुःखी मिसा थुकी दुथ्याःगु बाखं खः । थुपिं गुपु बाखं मध्ये प्यपु न्हापा पिहां वयेधुंकूगु पुलांगु व मेगु न्यापु न्हूगु बाखं खः । थ्व संग्रहय् दुथ्याःगु मचाम्ह डाक्टरनी मय्जु प्रकाश प्रधानया मास्टरपीस धायेबहःगु बाखं खः । थुकी दुथ्याःगु फुक्क धयाथें बाखं मिसा समस्याय् केन्द्रीत जुयाच्वंगु दु । नाटककार श्रामणेर सुदर्शनया नुगः खँ नं भूमिकाया रुपय् थ्व सफुलिइ दुथ्याकातःगु दु ।
NewaGyanKosh
-
मस्यौरा
फकं सकि व माय् तयाः दयेकातःगु छता नसा । सकि तासय् यानाः सिली । यचुल धायेव चुलाः चिचीचाकू याइ । माय् फ्वयाः नचुक नी । भचा छुलुमुलु धायेकी । छ्वालुकी मखु । चि भतीचा तयाः संकी । चुलागु सकि थुकी तयाः उतिग्यंक वाली । वालाः उति ग्यन धायेव हासा बाय् यचुगु कापतय् छकूचा छकूचा तयाः निभालय् पाइ । न्हःगं थें जुल धायेव छकः संकाबी । गन धायेव लिपा लिपा तकं नयेत स्वथना तइ ।